Elbasan: Nje Fundjave Me Koncerte Dhe Aktivitete Per Femije
ELBASAN, 16 Korrik/ATSH-M. Sadiku/. - Kjo fundjavë do të jetë e mbushur me një sërë aktivitetesh vetëm për fëmijët në qytetin e Elbasanit.
Edhe pse temperaturat dje kaluan 39 gradët në Elbasan, qytetarët ndoqën një mbrëmje argëtuese në qendër të qytetit, ku në kuadër të projektit "Kripmjaltëzat" me organizator Leonard Bombaj, fëmijët nga mosha 5 - 15 vjeç, në bashkëpunim me Qendrën e Artit, organizuan një koncert në sheshin kryesor, shumë pranë portës së Kalasë.
Aktivitetet për fëmijë do të vazhdojnë deri në fundjavë, ku Qendra e Artit do të organizojë minikoncerte tek Parku Rinia, si edhe në sallën e Teatrit "Skampa". /a.ke/
