Tiranë, 16 Korrik, NOA – Prokuroria e Përgjithshme në vijim të bashkëpunimit me autoritetet homologe italiane, daneze dhe zvicerane ka bërë të mundur kthimin në vendet respektive të 4 automjeteve të vjedhura.
Lajmi konfirmohet nga burimet zyrtare të organit të akuzës për agjencinë e Lajmeve NOA, duke saktësuar se janë kthyer respektivisht automjetet tip “Bmv m6c” dhe automjeti tip “Audi 5 sline”, në bashkëpunim mes prokurorisë së Shkodrës dhe asaj italiane.
Ndërsa nga bashkëpunimi me autoriteteve daneze dhe prokurorisë së Vlorës, është kthyer automjeti automjeti tip “Benz Mercedes Clk”
Në fund, autoriteteve zvicerane u është dorëzuar nga prokuroria e Tiranës, kthimi i automjetit tip “Audi A 4”.
Prokuroria e Përgjithshme nga ana e saj, konfirmon edhe një herë vullnetin e saj të plotë për kthimin e të gjitha automjeteve të vjedhura të gjendura në territorin e Shqipërisë dhe u bën thirrje qytetarëve shqiptarë që të evitojnë blerjen e makinave në tregje informale apo nga persona të palicencuar për kryerjen e një aktiviteti të tillë.
n.e/NOA
