Tiranë, 18 Korrik, NOA – Trupi i një viktime është gjetur orët e para të mëngjesit në afërsi të Liqenit Artificial në kryeqytet.
Lajmi bëhet i ditur në mënyrë paraprake nga burimet policore të Tiranës për agjencinë e Lajmeve NOA, sipas të cilave, viktima është e seksit femër.
Por ato nuk dinë të japin identitetin e saktë të saj, pasi ende nuk kanë të dhëna të mjaftueshme rreth saj dhe mësohet se janë duke punuar realisht për të zbuluar rrethanat në të cilat ka ndodhur kjo ngjarje dhe çfarë ta ketë detyruar këtë femër që të jetë mbytur në liqen.
Ndërkaq, grupi hetimor është duke shqyrtuar të gjitha detajet në vendngjarje dhe pritet që së afërmi, ai të ketë një identitet të saktë të viktimës ... (vijon).
n.e/NOA
