Hapësirë - Rusi - Qeveria Do Të Ndërtojë Një Kozmodrom Të Ri Në Siberi
MOSKË, 19 korrik /ATSH-ANSA/ - Rusia do të ndërtojë në Amur, në juglindje të Siberisë, një kozmodrom të sajin që do të kryejë të paktën gjysmën e lëshimeve hapësinore që vazhdojnë të kryhen në Bajkonur, në Kazakistan, deklaroi sot kryeministri Vladimir Putin, duke konfirmuar se "qeveria do të vërë menjëherë në dispozicion 24.7 miliardë rubli (rreth 650 milionë euro) nga rreth 400 miliardët që janë parashikuar të financohen në tre vitet e ardhshëm për këtë iniciativë.
Ndërtimi i plotë i bazës duhet të përfundojë në vitin 2016 dhe lëshimet e para do të kryhen në vitin 2018, për të arritur kulmin në vitin 2020.
Për lëshimet hapësinore Rusia përdor kozmodromin e Bajkonurit që prej viteve pesëdhjetë dhe pas rënies së Bashkimit Sovjetik në vitin 1991 nisi t'i paguajë Astanës qera.
/e.v/
