Topalli Lobon Për Njohjen E Kosovës Në Konferencën Botërore Të Kryetarëve Të Parlamenteve Në Gjenevë
TIRANË, 19 Korrik/ATSH/.- Konferenca e tretë Botërore e Kryetarëve të Parlamenteve, ku marrin pjesë rreth 200 krerë parlamentesh e senatesh nga e gjithë bota, nisi sot punimet në Gjenevë të Zvicrës në Pallatin e OKB-së.
Siaps burimeve zyrtare, në ditën e parë të saj, kryetarja e Kuvendit, Jozefina Topalli e shfrytëzoi për të zhvilluar takime me krerët e parlamenteve europiane dhe Botërore, me qëllim kryesor, veçanërisht me kryeparlamentarët e Afrikës dhe Amerikës Latine, lobimi për njohjen e Kosovës dhe shtimi i numrit të vendeve që do të njohin pavarësinë e saj.
Kryetarja e Kuvendit, Topalli u takua me Sekretarin e përgjithshëm të OKB-së Ban Ki Moon, Kryetarin e Parlamentit të Gjermanisë Lammert, të Kinës Egjiptit, Kanadasë etj
Njohja e Kosovës ishte temë kryesore e takimeve që znj.Topalli bëri edhe me krerët e parlamenteve të Uruguajit, Uzbekistanit, Gabonit, Paraguajit, Ruandës, Lesothos, Zimbabves, Santa Lucias, Kilit, Mozambikut, etj./a.s//n.m/
