Durrës, 20 korrik, NOA – Gjatë viteve të fundit një bum turistësh nga Kosova janë dyndur në bregdetin shqiptar. Syresh prej tyre janë bërë shpesh edhe pjesë konfliktesh.
Pas një konflikti për motive të dobëta në Durrës, dy durrsakë kanë goditur me mjete të forta dy vëllezër nga Prishtina, të cilët ndodhen me pushime në Durrës.
Policia pasi ka identifikuar autorët e ngjarjes, 20 vjeçarin me iniciale K.G. dhe 17 vjeçarin me iniciale G.Y, duke i proceduar ata penalisht në gjendje të lirë.
Sikundër njofton policia dy të rinjtë, banorë në Durrës, dje rreth orës 13.00, në lagjen 13 Durrës, ne afersi të Pistës Iliria, pas një konflikti të çastit për motive të dobëta, kanë goditur me mjete të forta dy vëllezërit nga Prishtina, 20 vjeçarin G.P., dhe vëllanë e tij, 18 vjeçarin F.P., të dy sipas policisë të lindur në Prishtinë dhe banues në SHBA.
Dy autorët e ngjarjes po ndiqen tashmë penalisht pasi në bashkëpunim kanë konsumuar veprën penale të prishjes së rendit e qetësisë publike.
mit/NOA