Korçë, 21 Korrik, NOA – Pasi i dhunoi dy prindërit e tij, duke ushtruar forcë fizike ndaj tyre, ka shitur edhe shumë nga orenditë shtëpiake pa lejen e tyre.
Fjala është për një djalë plangpishës nga qyteti i Korçës, i cili është denoncuar në polici nga prindërit e tij për ushtrim të dhunës fizike dhe psikologjike ndaj tyre e duke kërkuar madje që ata të merren në mbrojtje nga forcat policore për shkak të frikës që ushqenin ndaj birit të tyre.
Ngjarja u bë me dijeni nga burimet policore të qytetit juglindor, sipas të cilëve, i padituri është Rikardo Feçami, 27 vjeç, i cili tashmë është vënë në pranga prej tyre për veprën penale të “Vjedhjes”, e parashikuar nga neni 134 i Kodit Penal dhe “Pengimit për ekzekutimin e vendimit të gjykatës”, e parashikuar nga neni 320 i Kodit Penal.
Ka qenë pikërisht babai i tij, K.Feçami, i moshës 61-vjeç, i cili ka denoncuar në polici faktin se djali i tij ka shkelur rregullat e vendimit “Për lëshim urdhri të menjëhershëm Mbrojtje” për të dy prindërit, pasi i lartpërmenduri ka ushtruar dhunë mbi ta dhe më pas, ka shitur edhe disa pajisje shtëpiake.
Materialet për këtë ngjarje, i kaluan prokurorisë për veprime të mëtejshme.
n.e/NOA
