Itali, 23 Korrik NOA - Mario Balotelli është gjithmonë e më pranë kalimit të tij tek skuadra angleze e Manchester City.
Sipas të përditshmes britanike “Daily Mail”, kjo marrëveshje ka përparuar në rrugë të drejtë dhe mund të jetë shumë pranë përfundimit.
Një përfundim, i cili mund të çojë Balotellin në Angli, pasi skuadra e Roberto Mançinit ka rritur ofertën e saj në drejtim të lojtarit ku shifra ka kapur vlerën e 27 milionë eurove, së cilës i shtohen dhe një bonus prej 8 milionë të tjera në rast se objektivat e skuadrës së City do të realizoheshin.
Kështu në total shifra kap vlerën e 35 milionë eurove dhe kundrejt një oferte të tillë, vështirë se zikaltërit do të rezistojnë.
Megjithatë është dhe një klauzolë e vetme e cila thotë: “Në rast se Balotelli kthehet në Itali do të kalojë më parë tek Inter”.
r.b/NOA
