Zvicër - Një I Vdekur Dhe 42 Të Plagosur Nga Aksidenti I Një Treni Turistik
GJENEVË, 23 korrik /ATSH-AFP/ - Një person humbi jetën të premten për shkak të daljes nga shinat të një treni turistik në Alpet zvicerane, ndërsa 42 të tjerë u plagosën, ndër të cilët gjashtë në gjendje të rëndë, deklaroi policia zvicerane për AFP-në.
"Tre vagonë dolën nga shinat, dy janë krejtësisht jashtë. Një person ka humbur jetën, i cili është ende duke u identifikuar, dhe 42 të tjerë u plagosën, gjashtë në gjendje të rëndë," deklaroi oficeri i policisë Jean-Marie Bornet.
Ai shpjegoi se pasagjerët e dy prej vagonëve më shumë të dëmtuar janë "kryesisht japonezë".
Aksidenti i "Glacier Express", një linjë turistike, ndodhi në malet e Kanton Wallis, në jug të Zvicrës.
/e.v/
