Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Burg pa afat për vëllanë e të vrarit Armando Skëndaj, qe pjesë e vjedhjes së malazezëve
English

Burg pa afat për vëllanë e të vrarit Armando Skëndaj, qe pjesë e vjedhjes së malazezëve

Lezhë, 24 Korrik, NOA - Burg pa afat për Ardit Skëndajn, Sokol Jasharin dhe Fatjon Sejfullain, të arrestuar katër ditë më parë nga ana e policisë së Lezhës.

Arrestimi i tyre është kryer pasi të tre, në bashkëpunim edhe me dy të tjerë, grabitën me maska dy shqiptaro-malazezë, ndërsa udhëtonin nga Rinasi për në Malin e zi.

Të tre personat që u gjykuan dje nga ana e gjykatës së Lezhës, kanë pranuar autorësinë e krimit të grabitjes.

Ndërkohë, që ka qenë ditë më parë edhe futbollisti i “Besëlidhjes”, Vladimir Nikolli, i cili ka treguar me detaje grabitjen, sikundër të njëjtën gjë kanë bërë edhe të pandehurit e ditës së djeshme në gjykim, ku “truri” i grabitjes ka qenë Sokol Jashari, i cili kishte të martuar motrën në Mal të Zi me të afërm të viktimës së grabitjes.

Ai është shprehur se "kur dëgjoi që shqiptaro-malazezët do të kishin me vete një shumë të konsiderueshme parash, atëherë mendoi mënyrën se si mund t'i grabiste. Vetë ishte e pamundur se e njihnin dhe për këtë njoftoi shokët që kishte besim dhe e kryen vjedhjen”.

Po dje, gjykata e shkallës së parë të Lezhës ka vendosur lirimin me kusht të protestuesve që morën pjesë në protesta për vrasjen e të riut, Armado Skëndaj.

Nisur nga mosrreziku i largimit nga gjykimi dhe normalizimit të situatës së krijuar, kjo gjykatë ka gjykuar që ndaj të rinjve të arrestuar, të vendosej masa e arrestit.

a.b/NOA

KOMENTE