Afganistan - Karzai Kërkon Një Hetim Për Vdekjen E Civilëve Në Jug Të Vendit
KABUL, 26 korrik /ATSH-AFP/ - Disa civilë u vranë në një sulm me raketa në jug të Afganistanit, njoftoi zëdhënësi i presidentit Hamid Karzai, i cili kërkoi një hetim mbi origjinën e të shtënave.
''Sulmi ndodhi në një fshat të Sanginit, një distrikt i paqëndrueshëm në provincën e Helmandit, një nga bastionet rebele talebane'', theksoi zëdhënësi, Siddiq Siddiqi.
''Një numër i pacaktuar civilësh afganë duke përfshirë gra dhe fëmijë u vranë nga hedhja e raketave në shtëpitë e tyre'', shtoi ai.
"Ne nuk kemi shumë informacione, por kjo do të sqarohet nga nga Këshilli Kombëtar i Sigurisë që po heton incidentin me kërkesë të presidentit Karzai'', shtoi ai.
Ky i fundit shprehu trishtim dhe i shprehu ngushëllimet e tij familjeve'', theksoi zëdhënësi./
/ec/
