Fallsifikonte Monedhat ; Bie Ne Prangat E Policise
TIRANË, 26 Korrik /ATSH /-Nën akuzën e "fallsifikimit të monedhave", policia e kryeqytetit arrestoi mbrëmjen e djeshme në Tiranë, shtetasin Albend Xhelili,46 vjeç nga Tirana.
46 vjeçari u arrestua pranë një lokali në Rrugën "4 Shkurti" në Tiranë, ndërsa policia sekuestroi në cilësinë e provës 35 copë monedha të prerjeve 5 000 lekëshe, të dyshuara të fallsifikuara.
Një muaj më parë, policia e kryeqytetit, arrestoi për fallsifikim të monedhave, euro, një 29 vjeçar nga Tirana, i shpallur në kërkim nga Policia e Kukësit për të njëjtën vepër penale.
Po ditën e djeshme, nën akuzën e "fallsifikimit të dokumentave, policia arrestoi një 28 vjeçar, i shpallur në kërkim. Sipas burimeve zyrtare të policisë, Fehmi Nexha, me vendim të Gjykatës së Durrësit, ishte dënuar me gjashtë muaj heqje lirie për veprën penale të "fallsifikimit të dokumentave".
/f.n/
