Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Fundjava, drejt Shqipërisë 160.000 kosovarë
English

Fundjava, drejt Shqipërisë 160.000 kosovarë

Tiranë, 26 korrik, NOA – Fundjava që sapo u mbyll ka shënuar një ‘boom’ të vërtetë të dyndjes së turistëve kosovarë drejt bregdetit shqiptar, duke kapur një shifër të konsiderueshme të atyre që shkelnin tokën e vendit tonë.

Sipas të dhënave që komunikon policia kufitare e Kosovës, posaçërisht për agjencinë e Lajmeve NOA, gjatë datave 23-23 korrik u shënuan mbi 160 mijë persona të regjistruar në hyrjet dhe daljet e pikë-kalimeve kufitare të Kosovës me Shqipërinë.

“Bazuar në të dhënat e regjistruara në të gjitha pikë-kalimet kufitare për periudhën kohore nga 23 deri më 25 korrik numri i personave të kontrolluar në hyrje-dalje të Republikës së Kosovës ka qenë mbi 160.000 persona. Pikë-kalimi kufitar më i frekuentuar vazhdon të mbetet ajo e Vërmicës, ku vetëm gjatë 24 orëve të fundit janë regjistruar mbi 36.469 persona në hyrje dhe dalje”, komunikojnë autoritetet policore kosovare.

Duke shtuar se gjithashtu është duke u zbatuar marrëveshja e mirëkuptimit e nënshkruar më parë në mes të Policisë së Kosovës dhe asaj të Shqipërisë, e cila përcakton se gjatë 3 muajve të sezonit turistik veror kontrolli i hyrje-daljeve në vendkalimet kufitare Kosovë- Shqipëri të ushtrohet vetëm në njërën nga pikat doganore.

“Policia Kufitare e PK-së e angazhuar maksimalisht për sigurinë kufitare dhe lehtësimin e lëvizjes së lirë të njerëzve dhe mallrave, si dhe vendosjen e një sistemi efikas dhe efektiv të menaxhimit të integruar të kufirit, në mënyrë që të arrihet qëllimi i përbashkët i kufijve të hapur, por të kontrolluar mirë dhe të sigurt”, përfundon deklarata e Policisë së Kosovës.

Sipas të dhënave zyrtare, rezulton se në akset rrugore Vërmicë (Kosovë) deri në Kalimash (Shqipëri) që nga koha e nënshkrimit të marrëveshjes së bashkëpunimit për patrullim të përbashkët nuk është regjistruar asnjë aksident me pasoja fatale.

n.e/NOA

KOMENTE