Kavajë, 26 korrik, NOA – Fyejnë policët gjatë kryerjes së detyrës, bien në prangat e saj dy vëllezër në Kavajë.
Dy personat e arrestuar në flagrancë janë 42 vjeçari Adem Ymer Dakoli dhe 31 vjeçari Ervin Ymer Dakoli.
Sipas policisë arrestimi i dy vëllezërve u bë për shkak se dje rreth orës 17.20 të pasdites në mjediset e një hoteli në pronësi të tyre, në fshatin Harizaj të Kavajës, kanë fyer dhe kundërshtuar, punonjësit e policisë, të cilët po kryenin detyrën e tyre.
Policia e Kavajës njoftoi se ndodhej në atë hotel për të ushtruar kontroll, për gjetjen e shtetases Sidorel Ozuni, për të cilën familjarët e saj, kanë depozituar kallëzim për rrëmbim personi.
Por, duket që të arrestuarit kanë kundërshtuar bashkëpunimin me policinë duke i fyer ata.
Ndaj dy vëllezërve është ngritur padia penale e kundërshtimit dhe fyerjes së policëve për shkak të detyrës, ndërsa dokumentacioni hetimor i ka kaluar prokurorisë së Tiranës.
mit/NOA