Tirane: Arrestohet 41-Vjecari Per Tentative Vrasjeje
TIRANE, 30 Korrik/ATSH-M. Shkurta/. - Specialistët e seksionit kundër krimeve ndaj jetës dhe shëndetit arrestuan në flagrancë shtetasin Sokol Hysen Tollia, 41 vjeç, banues në Kodër Kamëz Tiranë.
Burime nga Policia e Tiranes bene te ditur sot se "arrestimi u krye, pasi Tollia u kap dje ne flagrance në Kodër Kamëz, duke tentuar për motive të dobëta, të vrasë me armë zjarri, që e mbante pa leje, 21- vjeçarin Derand Gafurr Xhanari, por fatmirësisht nuk e dëmtoi duke qëlluar në drejtim të mjetit të tij".
Në cilësinë e provës materiale u sekuestrua një pushkë mod.63 dhe 18 copë fishekë dhe u fiksua automjeti tip Benz, me targa TR 1019 S, i dëmtuar nga të shtenat.
Materialet hetimore do t'i kalojnë Prokurorisë së Rrethit Gjyqësor Tiranë për konsumim të veprës penale të "Vrasjes me dashje"./n.m/
