Rusi, 31 korrik, NOA - Ministria për emergjenca e Rusisë thotë se afro 238 mijë zjarrfikës janë angazhuar në betejën kundër zjarrit në 14 rajone në pjesën qendrore të Rusisë.
Ministria, që thotë se e ka situatën nën kontroll, ka njoftuar se në betejën e fikjes së zjarrit janë përfshirë edhe 2 mijë ushtarë dhe 226 aeroplana.
Presidenti Dmitri Medeved këtë situatë e ka vlerësuar si “katastrofë natyrore”.
Raportohet se numri i të vdekurve nga zjarret ka arritur në 31 njerëz. Kryeministri Vladimir Putin ka deklaruar se do të përballemi me këtë situatë që po shkatërron pyjet e Rusisë.
NOA
