Sejdiu: Ka Ardhur Momenti Që Greqia Ta Njohë Republikën E Kosovës
RISHTINË, 31 Korrik /ATSH-B.Jashari/.- Presidenti i Republikës së Kosovës, Fatmir Sejdiu, theksoi sot gjatë takimit në Prishtinë me z.Dimitrois Droutsas, ministër i Punëve të Jashtme i Greqisë, se "ka ardhur momenti që Greqia edhe formalisht ta njohë Republikën e Kosovës, sepse ky do të ishte një gur shumë i rëndësishëm për paqen dhe stabilitetin e qëndrueshëm në rajon".
Ndërkaq, sipas zyrës së shtypit të Presidentit, mësohet se ministri i Jashtëm grek theksoi se "Greqia beson fuqishëm në perspektivën e përbashkët evropiane, e cila do të krijojë paqe dhe stabilitet të përhershëm për të gjitha vendet e rajonit".
Ndërsa përsa i përket mendimit këshillëdhënës të Gjykatës Ndërkombëtare të Drejtësisë z. Droutsas tha se Greqia i jep rëndësi të madhe këtij mendimi dhe është duke e studiuar atë me kujdes./.s.s./
