Elbasan: Rikthehen Temperaturat E Larta
A
ELBASAN, 2 Gusht/ATSH- Miranda Sadiku/- Qyteti i Elbasanit është përfshirë këtë fillim jave nga një mot i nxehtë dhe me temperatura të larta.
Ndryshe nga një javë më parë, kur moti ishte me reshje shiu dhe vranësira, këtë fillim jave temperaturat janë ngritur nga 35 në 37-38 gradë celcius. Qytetarët elbasanas kanë gjetur si alternativë sërish pishinat e qytetit.
Ndërkohë, është rritur ndjeshëm lëvizja e mjeteve në rrugë si pasojë e fluksit të madh të emigrantëve, numëri i cilëve, sipas burimeve të Policisë Rrugore, do të shënojë përsëri rritje në javën e dytë të muajit gusht./k.s/
