Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kosovë, kapen bimë Cannabis Sattiva dhe Kokainë, prangosen dy vetë, i treti në kërkim
English

Kosovë, kapen bimë Cannabis Sattiva dhe Kokainë, prangosen dy vetë, i treti në kërkim

Në qytetet e Gjilanit dhe Prizrenit janë arrestuar dy persona të dyshuar për posedim dhe kultivim të bimëve narkotike. Këtë vit, nga janari në korrik janë arrestuar 288 persona të dyshuar për trafikun e narkotikëve

Gjilan, Prizren, 3 gusht NOA – Në dy operacione të ndryshme oficerët e policisë për hetimin e narkotikëve në prishtinë dhe Prizren kanë vënë në pranga dy persona të dyshuar për prodhim dhe përpunim të paautorizuar të bimëve narkotike dhe substancave psiko-tropike.

Burime zyrtare nga policia e Prishtinës, njoftuan agjencinë NOA se rasti i parë ka ndodhur në rajonin e Gjilanit, ku policia pas një informate ka mësuar se në shtëpinë e një të dyshuari janë mbjellë rreth 20 bimë të llojit marijuanë.

Njësitë e policisë kanë shkuar për të verifikuar vendndodhjen e bimëve narkotike, dhe bastisur shtëpinë e të dyshuarit, duke gjetur në oborrin e tij, 20 bimët narkotike të llojit Canabis Sattiva.

Bimët e kultivuara në këtë serë kishin arritur lartësinë deri në dy metra.

Policia ka bërë fotografimin e këtyre bimëve, më pastaj i ka konfiskuar për ekzaminim të mëtejshëm.

Sipas burimeve nga kjo polici, në kohën kur u bë kontrolli i shtëpisë dhe serës, kultivuesi nuk ishte në shtëpi, por pasi është bërë identifikimi i tij personi i dyshuar është shpallur në kërkim.

Ndërsa rasti i dytë, u raportua në rajonin e Prizrenit ku hetuesit e sektorit të antidrogës, zbuluan në një lagje të Prizrenit një substancë të dyshuar si Kokainë.

Këtë substancë oficerët e policisë e konstatuan në duart e dy personave, 42 vjeçarit me iniciale A.D. dhe 22 vjeçarit H.D.

Sipas policisë, substanca ishte më ngjyrë të bardhë në formë pluhuri, e cila dyshohet të jetë kokainë, substancë kjo e paketuar në dy qese plastike, dhe e vendosur në tavolinën ku qëndronin të dyshuarit.

Kur hetuesit ishin duke kërkuar substancën narkotike, të dyshuarit janë ngritur në këmbë dhe kanë tentuar që t’i hedhin dëshmitë e gjetura dhe njëkohësisht kanë filluar t’i pengojnë hetuesit për të kryer punën e tyre.

Pas reagimit të shpejtë të policëve, arrihet që të vihet situata nën kontroll duke minimizuar tentimet e të dyshuarve për pengim dhe sulm ndaj zyrtarëve policorë.

Gjatë kontrollit të ushtruar në shtëpinë e tyre, policët gjetën dy pjesë të metalta të tytës së armës luftarake dhe një shishe metadon.

Me urdhër të prokurorit të dyshuarëve u është kontrolluar automjeti dhe shtëpia e banimit e gjithashtu u është urdhëruar masa e ndalimit për 48 orë.

Policia e Prishtinës dhe e Prizrenit po hetojnë për trafik narkotikësh, mbi të dy rastet, ndërsa personat e akuzuar janë vënën në pranga.

mit/NOA
KOMENTE