Panama, 5 Gusht NOA - Një amerikan i akuzuar si një vrasës serial, pasi shkaktoi vdekjen e pesë bashkëkombësve të tij për t’iu marrë pasuritë dhe pronat, është arrestuar për t’u gjykuar me këtë akuzë në Panama.
Sipas prokurorit lokal, Uilliam Holbert, vrasësi i njohur me nofkën “Uild Bill”, ka pranuar vrasjen e pesë personave.
Akuza e vrasjes ishte bërë edhe ndaj partneres së Holbert, Laura Michelle Reese, ku të dy u arrestuan javën e kaluar në Nikaragua.
“Uild Bill” dhe Laura Michelle Reese ikën në Nikaragua dhe kjo pas zbulimit të dy kufomave të varrosura në tokën e një hoteli të drejtuar pikërisht nga Holbert, në një vendpushim në bregdetin e Karaibeve.
Autoritetet panameze kanë pohuar se hoteli ishte në pronësi të tre prej viktimave (një burrë, një grua dhe një adoleshent), mbetjet e të cilëve janë zhvarrosur po në të njëjtën pronë.
r.b/NOA
