Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Dashuronte fshehur ministrin, mbretëresha vishej si ushtar përnatë që ta takonte
English

Dashuronte fshehur ministrin, mbretëresha vishej si ushtar përnatë që ta takonte

Svaziland, 6 Gusht, NOA - Dashuronte në fshehtësi gruan e mbretit dhe menjëherë sa kjo gjë ka dalë në dritë, ministri i Drejtësisë ka dhënë dorëheqjen.

Ngjarja e rrallë ka ndodhur në mbretërinë Svaziland të Afrikës, një vend pranë Mozambikut, ku gruaja që kryente tradhëtinë ndaj mbretit Msvati III, ishte në fakt edhe gruaja e tij e dymbëdhjetë.

Ajo vishej përnatë si ushtar dhe kështu mund të mbërrinte te dashnori i saj në një hotel jo larg nga pallati mbretëror.

Ky i fundit ishte në fakt, një mik i fëmijërisë i mbretit, dhe ishte konkretisht ministri i Drejtësisë së Mbretërisë Svaziland, i cili u detyrua paskëtaj menjëherë të jepte dorëheqjen.

"Për disa muaj mbretëresha përdorte për të veshur një uniformë ushtrie, - tregon një burim brenda në pallatin mbretëror, - dhe askush nuk e pyeste se ku ishte duke shkuar ai ushtar".

Nothambo Dubé, gruaja 22-vjeçare dhe ministri i Drejtësisë, Ndumiso Mambë, janë zbuluar vetëm nga shërbimet sekrete, që iu vunë pas mbretëreshës gjatë një periudhe të mungesës së mbretit, kur ai ishte në një udhëtim në Tajvan .

Politika, skandali dhe pasionet janë konsumuar në gjykatën e asaj që është në fakt edhe monarkia absolute e fundit në Afrikë.

Një vend i vogël e mbyllur në mes të Afrikës së Jugut dhe Mozambik, ku mbreti mund të përballojë trembëdhjetë gra dhe 70% e popullsisë jeton me gjysëm dollari në ditë, e dërrmuar nga AIDS.

Burimet nga pallati mbretëror afrikan pohojnë se tani ka gjasa që gruaja 22-vjeçare të përjashtohet nga mbretëria dhe të mund të detyrohet të kthehet për të jetuar me prindërit e saj.

Ose dy dashnorët mund t’ia kompensojnë tradhëtinë mbretit me një tufë lopë.

n.e/NOA

KOMENTE