Uashington, 7 gusht, NOA - Një grua afgane, së cilës talibanët ia kanë prerë hundën dhe veshët si dënim pse është larguar nga shtëpia e bashkëshortit të saj, ka arritur në Kaliforni për rikonstruktimin e fytyrës së saj.
Rasti i kësaj 18 vjeçareje, Bibi Aisha, ka tërhequr vëmendjen që prej kohes kur revista “Time”, kishte publikuar në ballinë portretin e shpërfytyruar të saj.
“Grossman Burn Foundation” e ka marrë përsipër rastin e Aishes dhe do të paguajë të gjitha shpenzimet për operacion.
Rasti i saj ka nxitur dhe interesat e opinionit në lidhje me të drejtat e grave duke e cilësuar si një prej akteve më barbare.
Dr Peter Grosman, një kirurg plastik dhe bashkë-drejtor i “Grossman Burn Foundation” tha se ai do të takohet me Aishën për të diskutuar trajtimin e saj.
Ai tha se trajtimi do të përfshijë rindërtimin e hundës me inde nga një pjesë tjetër
e trupit të saj, ose do të vendoset protezë.
NOA
