Tiranë, 7 gusht, NOA – Partia Socialiste akuzoi sot kryeministrin Sali Berisha se i ka dhënë burrit të deputetes Albana Vokshi dy kontrata për shfrytëzimin e puseve të naftës duke shkelur ligjin.
Deputeti i PS-së, Artan Gaçi, u shpreh në një konferencë për shtyp se vendimi i kryeministrit Berisha për dhënien e pasurisë së shqiptarëve është marrë nën këshillin e ish-këshilltares Vokshi, e cila sot është deputete e PD.
Gaçi u shpreh se Berisha dhe deputetja duhet të mbajnë përgjegjësi ligjore dhe t’u tregojnë shqiptarëve se të vërtetën në lidhje me shkeljen e ligji.
“Berisha po vjedh hapur pasurinë tonë të përbashkët”, u shpreh deputeti i PS-së.
Sipas tij janë tre zona naftë mbajtëse që janë dhënë me konçension për burrin e deputetes në shkelje me ligjin.
“Tre zonat që i janë falur Albana Vokshit janë zona naftë mbajtëse Ballsh Cakran e Goricë”, u shpreh Gaçi.
NOA
