Moskë, 8 gusht, NOA – Por, ndërsa Pakistani përjeton përmbytjet më të rënda në historinë e vet, Rusia preket nga vatrat e zjarrit, që shënojnë situatën më të rëndë në këto 130 vite.
Pas vatrave të tymit, që i zunë frymën Moskës, ministria ruse e Mbrojtjes Civile ka njoftuar rezultatet e para.
Sipas ministrisë ruse forcat bënë të ditur se janë shuar zjarret në pyje në shumë rajone të Rusisë.
Që prej të shtunës në mëngjes janë hapur 250 vatra të reja zjarri.
Sipas të dhënave zyrtare në të gjithë vendin numërohen ende rreth 800 vatra zjarri, pjesa më e madhe në perëndim të Rusisë.
Kryeqyteti rus, është përfshirë nga një re e dendur shtëllungash tymi, nga djegia e zonave të torfës përreth Moskës.
Vatrat e tymit po shkaktojnë edhe një dëm të pallogaritshëm mjedisor dhe social, pasi përqendrimi i lëndëve të dëmshme në ajër është gjashtë herë mbi vlerat e lejuara.
Autoritetet kanë ngritur në spitale dhe ndërtesa publike "qendrat anti-smog", për t’i ardhur në ndihmë banorëve. Qendrat kundër smogut janë dhoma me ajër të kondicionuar.
Në ndihmë qeverisë ruse po i vjen Gjermania, e cila do të nisë nesër 100.000 maska mbrojtëse për frymëmarrjen, si dhe aparate teknike për luftimin e zjarreve.
Nga vatrat e zjarrit që përfshinë rajonet e Moskës, kanë gjetur vdekjen, ndërsa banorët që kanë shpëtuar po braktisin kryeqytetin rus si pasojë e tymit të shkaktuar nga zjarret e mëdha.
Jo vetëm banorët, edhe selitë diplomatike po largohen nga Moska, për shkak të shtëllungave të mëdha të tymit, tej normave të lejuara.
Ndërkohë, lëvizja në kryeqytetin rus, mund të bëhet vetëm me maska për frymarrjen.
Sipas të dhënave zyrtare, Rusia po kalon situatën më të rëndë në 130 vitet e fundit.
Rusia po kalon një prej situatave më të rënda në 130 vitet e fundit.
mit/NOA