Lexoni: Dritan Dajti, studenti që u kthye në frikën e policisë
Tiranë, 9 Gusht, NOA – Një vit më parë humbën 4 oficerë policie, por dhimbja e madhe na jep forca për të vazhduar më tej në rrugën e sakrificës dhe vendosjes së ligjit, për të bërë që arma e atyre që guxojnë kundër forcave të policisë të mos qëllojë më.
Kështu është shprehur ministri i Brendshëm, Lulëzim Basha, gjatë ceremonisë së e përkujtimit të 4 oficerëve të policisë, të vrarë një vit më parë gjatë aksionit për kapjen e të shumëkërkuarit, Dritan Dajti.
“4 policët e vrarë janë një shembull frymëzues që na kujton betimin e madh të uniformës së Policisë së Shtetit për të mbrojtur ligjin”, tha në fjalën e tij Basha.
Duke shtuar se 4 policët e vrarë ishin më të mirët e Policisë së Shtetit dhe se ata do të jenë gjithmonë në zemrat tona.
“Policia përballet çdo ditë me vështirësi, - tha më tej ai, - por ne nuk do ndalim përpjekjet për të ndalur çdokënd që godet ndaj saj”.
Ceremonia e përkujtimit të tyre u zhvillua në Varrezat e Dëshmorëve të Kombit, aty ku edhe shumë qytetarë e familjarë të të ndjerëve, kanë qenë të pranishëm gjatë ceremonisë së zhvilluar.
n.e/NOA
Lexoni edhe: Spekulime për Dajtin te "Hakmarrja", flet Orik Shyti: Berisha ka ndryshuar taktikë