Meksikë, 9 gusht 2010, NOA - Në tre ditë: lindi, vdiq, u kthye në jetë në funeralin e saj dhe me pas vdiq sërish.
Kjo është historia tragjike e një foshnje në Meksikë, ku vogëlushja e lindur parakohe ishte deklaruar e vdekur nga një mjek në qytetin Tulancingo, në shtetin Hidalgo.
Gjatë funeralit të saj, prindërit kanë dëgjuar zhurma të çuditshme që vinin nga arkivoli dhe kur ata e hapën, gjetën krijesën e vogël të gjallë, në lot, por në gjendje kritike. Fëmija është dërguar menjëherë në spital, por nuk ka mundur të shpëtojë.
"Unë e hap arkivolin dhe pashë, që ajo merrte ende frymë” tha Hoze Alvarenga, babai i vajzës. “Fëmija vdiq nga asfiksimi, tre ditë pasi ishte deklaruar e vdekur”, tha në një konferencë për shtyp prokurori i Përgjithshëm i Hidalgos, Hoze Rodrigues .Ndërkaq, mjeku i cili shpalli vdekjen e fëmijës, është aktualisht nën hetim.
a.e/NOA
