Tiranë, 10 Gusht, NOA – Ndër 1700 lokale të inspektuara nga specialistët e ministrisë së Mjedisit në zonën bregdetare të vendit, 153 prej tyre janë pezulluar, ndërsa 245 të tjera në rang vendi janë ndëshkuar me gjoba të ndryshme pasi shka
Ky është bilanci i kontrolleve të vazhdueshme të ndërmarra gjatë këtij sezoni ndaj lokaleve në bregdet, i cili u bë me dijeni nga Alfred Deshati, drejtor i Kontrollit per Mjedisin në ministrinë e Mjedisit.
Sipas tij, duke iu referuar problemit të ndotjes së mjedisit detar nga shkarkimet e ujërave të zeza, largimin publik dhe administrimin mjedisor te mbetjeve urbane, si dhe ndotjes akustike mbi nivelin kufi të zhurmës, janë zhvilluar një sërë kontrollesh nga autoritetesh.
Deshati bëri me dije më pas se ndërkaq, po merren masa për normalizimin e situatës mjedisore ku janë konstatuar edhe shkeljet ligjore.
“Në rast konstatimi të shkarkimit të paligjshëm në det të ujërave të zeza, do kryhet prishja e kanalizimeve që shkarkojnë në det, do merren masa administrative me gjobë dhe në rastet që do konstatohet që kjo shkelje është e përsëritur, do të bëhet kallëzim penal pranë organit të prokurorisë për personat përgjegjës”, bëri me dije ndër të tjera zyrtari i lartë i Mjedisit.
Duke përfunduar se për objektet tregtare që do vazhdojnë shkarkimin e ujërave të zeza në det, nga organi shtetëror kompetent do bëhet bllokimi i veprimtarisë, si dhe do dërgohet propozimi per heqje të licencës për ushtrimin e veprimtarisë përkatëse në institucionin shtetëror kompetent.
n.e/NOA
Të dhënat për inspektimet
Nr.
Zona
Inspektime Gjithsej
Gjoba gjithsej
Pezullime
1
Tirane
404
67
68
2
Shkoder
181
33
5
3
Lezhe
115
31
12
4
Durres
246
41
18
5
Korçe
311
16
20
6
Vlore
297
51
25
7
Fier
145
6
5
Shuma totale
1699
245
153
n.e//NOA
