Tiranë, 10 gusht 2010 NOA – Një i ri ka mbetur i vdekur pak minuta më parë pasi u qëllua me armë zjarri në mjediset e një lokali lojerash e bastesh sportive në kryeqytet, raporton gazetari i NOA duke cituar burime në vendngjarje.
Burime jozyrtare konfirmuan se viktima është Leonard B., 33 vjeç, me banim në Tiranë. Policia tha se nuk njeh autorin e kësaj vrasjeje.
Krimi ndodhi pranë një pike bastesh e lojërash fati që ndodhet te rruga “Irfan Tomini”, poshtë vendit të quajtur kryqëzimi i Vasil Shantos.
Dëshmitarët thanë se ky lokal ishte hapur vetëm para pak javësh.
Në vendngjarje ka shkuar drejtori i Përgjithshëm i Policisë së Tiranës, Tonin Vocaj dhe zyrtarë të tjerë të drejtorisë rajonale që po ndjekin nga afër veprimet e agjentëve antikrim.
r.n/NOA
