Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ministria e Transporteve: Rama të mos bllokojë rrugët, Tirana përfundimisht ka ujë
English

Ministria e Transporteve: Rama të mos bllokojë rrugët, Tirana përfundimisht ka ujë

Tiranë, 15 gusht, NOA – Ministria e Transporteve ka reaguar menjëherë pas akuzave të PS-së për mungesën e ujit në Sauk, duke theksuar se përmes një investimi prej 1.5 milionë lekësh brenda dy javësh do të zgjidhet përfundimisht problemi i furnizimit me ujë për zonën e Saukut pranë Tiranës.

Ministria e Transporteve sqaroi përmes një deklarate për shtyp se tashmë shqetësimi i kryetarit të Bashkisë së Tiranës, Edi Rama është përfundimisht, arritja që Tirana më në fund ka ujë.

Ministria e Transporteve bëri me dije se zona të tëra të populluara si Komuna e Parisit, Kodra e Diellit, Lapraka dhe Shkoza furnizohen rregullisht me ujë.

“Të gjitha gjitha këto, zona që nuk janë furnizuar kurrë me ujë, falë refuzimit të Kryetarit të Bashkisë së Tiranës, Edi Rama për ta konsideruar këtë një kompetencë të tij, sot e kanë të zgjidhur problemin e ujit, madje të zgjidhur problemin e ujit e kanë edhe të gjitha shtëpitë e zotit Rama”, tha zëdhënësja e ministrisë së Transporteve, Arminda Qylafku.

Sipas Ministrisë së Transporteve, problemi i furnizimit me ujë do të ishte zgjidhur shumë më parë, por kryetari i Bashkisë, Rama, ka qenë ai që nuk i ka kushtuar aspak vëmendje këtij problemi aq jetik për qytetarët, pasi tërë vëmëndja e Ramës ka qenë tek lejet e ndërtimit.

“Ftojmë Edi Ramën të shkojë në të gjitha këto zona të shohë ndryshimin, të zhvillojë një vizitë njohëse me deputetët e tij edhe në Sauk, ku po kryhet një investim prej 1.5 milionë lekë, që brenda 2 javëve do të zgjidhë përfundimisht edhe problemin e furnizimit me ujë të Saukut të vjetër”, tha Qylafku.

Ministria e Transporteve fton edhe deputetët e PS të sillen si qytetarë dhe jo si banditë me maska, që bllokojnë rrugët, duke theksuar se për aktin e bllokimit të sotëm të rrugës me 30 militantë të PS-së, Ministria e Transporteve do të denoncojë penalisht deputetin e PS-së, Besnik Bare.

Ministria e Transporteve i sugjeroi Ramës të mos bllokojë më rrugët për mungesën e ujit në Tiranë me pretekstin e mungesës së ujit të pijshëm, pasi Tirana, përfundimisht, ka ujë.

mit/NOA
KOMENTE