Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Sarkozi: Jemi gati të ndihmojmë Pakistanin
English

Sarkozi: Jemi gati të ndihmojmë Pakistanin

Paris, 15 gusht, NOA - Franca është e gatshme të dërgojë misionin e saj të ndihmës në Pakistan, në kuadër të asistencës që vendet e NATO-s do të japin për popullin pakistanez.

Kështu deklaroi sot presidenti francez, Nikolas Sarkozy në një letër drejtuar kreut të Komisionit Evropian, Hose Manuel Barrozo.

Ai tha se “është e rëndësishme që Europa të tregojë në mënyrë të hapur mbështetjen ndaj popullit pakistanez”.

“Përballë një situate të tillë”, është shprehur Sarkozy, “Bashkimi Evropian duhet të reagojë si një i tërë duke sensibilizuar edhe pjesën tjetër të globit, në mënyrë, që të shmanget katastrofa humanitare”.

Shuma, që Bashkimi Evropian i dha qeverisë pakistaneze në fazën e parë të ndihmës ishte 40 milionë euro. Në letrën drejtuar Barrozos, Sarkozy thotë së vendet e Bashkimit Evropian mund të bëjnë më shumë për të plotësuar nevojat emergjente, që ka Pakistani në këtë moment.

Ndërkaq Ministria e Jashtme franceze njoftoi sot se dërgoi në Pakistan një avion me 60 ton ndihma ushqimore. Prej tri javësh Pakistani është mbërthyer nga një katastrofë natyrore si pasojë e përmbytjeve, më e rënda në historinë e vendit.

Përmbytjet kanë prekur 20 milionë njerëz, nga të cilët 1 600 prej tyre humbën jetën.

mit/NOA
KOMENTE