Lezhë, 18 gusht, NOA – Tentuan t’i vidhnin lokalin bar-kafe një shtetaseje, por arrestohen në flagrancë nga policia.
Sikundër mësohet policia e Lezhës, ka prangosur dje pasdite 26 vjeçarin Ferdinant Dida nga fshati Zejmen i lezhës dhe 18 vjeçarin Armando Lleshi nga fshati Shkopet i rrethit të Kurbinit.
Dy të rinjtë janë arrestuar dje në orën 16.10 të pasdites, nën akuzën e vjedhjes në bashkëpunim, pasi në orët e para të mëngjesit të datës 17 gusht, kanë tentuar t’i vjedhin lokalin bar-kafe shtetases 47 vjeçare me iniciale M.D, në fshatin Balldre të Lezhës.
Në cilësinë e provave materiale u gjetën dhe sekuestruan një qese plastike, dhe dy kanaçe B 52 si dhe automjeti tip “Mercedes Benz”, me targë LE 8499 A, në pronësi të shtetasit Ferdinant Dida.
mit/NOA