Prishtinë, 19 gusht, NOA - Policia e Kosovës nuk ka lejuar që Ministri serbë për Kosovën, Dragan Petkoviç, të hyj në Kosovë në mënyrë zyrtare, por e ka lejuar atë të zhvillojë një vizitë privat.
Zëdhënësi i Policisë së Kosovës për rajonin e Mitrovicës, Besim Hoti tha se policia kishte marrë urdhë për mos të lejuar hyrjen e këtij zyrtari në Kosovë, ndërsa me një vendim tjetër atij i është lejuar hyrja për çështje private.
“Policia e Kosovës për një çast ka ndaluar zotin Petkoviq, pasi i njëjti ka figuruar në listën personave të cilëve u është ndaluar hyrja në Kosovë për çështje të vizitave zyrtare”.
“Mirëpo, pas marrjes së vendimit që ai të dëbohet nga territori i Kosovës, ai është rikthyer me një vendim tjetër, pasi po qarkullonte me automjet privat dhe vizita e tij në Kosovë ishte për çështje private dhe nuk kishte të bënte me çështje zyrtare” tha Hoti, duke shtuar se Petkoviç është ndaluar në rajonin e Mitrovicës.
Ndryshe Kryeministri i Kosovës, Hashim Thaçi, ka marrë një vendim dhe i ka njoftuar edhe autoritetet ndërkombëtare se do të pezullojë lejet për hyrjen e zyrtarëve të Serbisë në Kosovë, për shkak të, siç thuhet, keqpërdorimit të këtyre vizitave dhe dhënies së mesazheve politike.
NOA/RFE
