Berlin, 21 gusht, NOA - Me ndeshjen mes Bajernit të Mynihut dhe Volfsburgut, mbrëmë filloi sezoni i bundesligës në futboll.
Bastian Schweinsteiger ka siguruar suksesin e ekipit kampion rekord me golin e tij në minutën e fundit shtesë.
Ndeshja përfundoi me rezultatin 2:1. Golashënuesi më i mirë në Kampionatin Botëror, Thomas Muller shënoi fillimisht në minutën e nëntë duke e kaluar në avantazh Bajernin.
Pak pas fillimit të pjesës së dytë të ndeshjes shënon Edin Dzeko për Volfsburgun.
Fillimi i Bundesligës u ndoq me transmetim televiziv drejtpërsëdrejti në 197 vende.
NOA/DV
