Milano, 24 gusht 2010 NOA - Një magazinier 48 vjeçar, i punësuar në një farmaci në Milano, është arrestuar pasi u kap teksa merrte fshehurazi viagra dhe i fuste ato në një çantë.
Personi në fjalë, u denoncua nga vetë titullari i kompanisë që ishte vënë re këtë veprim të punonjësit të tij.
Akuza e ngritur nga policia dhe prokuroria milaneze është ajo e mbajtjes dhe shpërndarjes së farmaceutikëve, të cilat i merrte fshehurazi dhe i ndryshonte datat në kompjuterin e magazinës.
Gjatë një kontrolli që u krye në çantën e tij u gjetën dhe ilaçe të tjera, të cilat u sekuestruan menjëherë nga autoritetet.
Ky lloj aktiviteti i 48 vjeçarit kishte nisur që në vitin 2009, ku krahas viagrave u gjetën dhe rreth 80 paketime të barnave për ndërprerjen e shtatzënisë.
Plot 180 kuti të farmaceutikëve xhenerikë, produkte kozmetike dhe kirurgjike, të gjitha të marra në farmacinë ku punonte dhe e gjithë plaçkitja e kryer kap një vlerë prej 20 mijë eurosh në total.
r.b/NOA
