Elbasan, 23 gusht 2010 NOA - Operacioni policor i koduar “Urakë” i kryer sot nga policia e drejtorisë së Qarkut Elbasan, përfundoi me kapjen e një sasie të konsiderueshme droge të fortë të llojit heroinë.
Droga në sasinë dy kilogramë e gjysmë, u sekuestrua sonte në mbrëmje dhe bashkë me të u arrestuan tre të dyshuarit si trafikantë.
Ata janë Krenar Hoxha, 25 vjeç, banues në Stravaj të Pogradecit, Santiliano Duci, 24-vjeç, banues në Voskopojë të rrethit të Korçës dhe Markelian Prendi, 27 vjeç, banues në Pogradec.Zyrtarisht Zyra e Luftës Kundër Trafikut të Drogës në Elbasan sqaroi se kapja e tre të dyshuarve u bë, pasi gjatë kontrollit të ushtruar në mjetin tip “Wolksvagen”, me targa PG6419B, me të cilin lëviznin të arrestuarit, u gjend një sasia e heroinës, me peshë 2,5 kg”.
a.r/NOA
