Tiranë, 26 gusht, NOA – Në cilësinë e kryetarit të Bashkisë së Tiranës, Edi Rama, ka vlerësuar projektin për rikonstruktimin e Sheshit Nënë Tereza dhe idenë për ndërtimin e një rruge te veçantë për nder të Nënë Terezëz.
Në ceremoninë që u zhvillua në Presidencë për 100-vjetorin e lindjes së Nënë Terezës, Rama u shpreh se është e rëndësishme që Shqipëria dhe shoqëria e saj të përqafojë vlerën dhe idealet e saj dhe të mos kujtohet për ato vetëm në ceremoni, por edhe gjatë ditëve të zakonshme.
Për të vlerësuar këtë figurë të veçantë, Rama përmendi shprehjen e ish Sekretarit të përgjithshëm të Kombeve të Bashkuara, i cili ka thënë se “Kombet e Bashkuara janë Nënë Tereza dhe Nënë Tereza janë Kombet e Bashkuara.Duke u ndalur në nismën për ndërtimin e rrugës, Rama tha se kjo nismë i jep jetë hapësirës në parkun e kryeqytetit.
a.k/NOA
