Nju Jork, 28 gusht, NOA - Sipas Organizatës së Kombeve të Bashkuara për mbrojtjen e fëmijëve - UNICEF, të prekurit nga katastrofa e përmbytjeve në Pakistan kanë nevojë për tre herë më shumë mbështetje se sa ajo që vlerësohej deri tani.
Vetëm për mbulimin e nevojave urgjente me ushqime në tre muajt e ardhshëm nevojiten rreth 111 milionë euro, njoftoi UNICEF në Paris.
Fillimisht ishte llogaritur se do të mjaftonin 36 milionë euro. Deri tani UNICEF-i ka grumbulluar ndihma në lartësi prej 27 milionë euro për Pakistanin.
Kjo shumë është e vogël në krahasim me përmasat e katastrofës, komenton organizata. Ndërkohë në jug të Pakistanit masa e ujit ka shpërthyer shumë diga çfarë ka bërë që qindra mijëra njerëz të largohen nga shtëpitë e tyre.
Sipas të dhënave të Kombeve të Bashkuara në mbarë vendin nga përmbytjet më të këqija në historinë e Pakistanit janë prekur rreth 17 milionë njerëz.
NOA/DV
