Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Spanja mbështet Shqipërinë për forcimin e Sistemit Gjyqësor
English

Spanja mbështet Shqipërinë për forcimin e Sistemit Gjyqësor

Tiranë, 3 shtator 2010 NOA - Spanja kontribuon në krijimin e Zyrës së Shtypit në Këshillin e Lartë të Drejtësisë të Shqipërisë për përmirësimin e nivelit të komunikimit ndërmjet sektorit gjyqësor dhe shoqërisë civile shqiptare.

Në kuadër të projektit “Mbështetje për forcimin e Sistemit Gjyqësor në Shqipëri”, financuar nga Spanja nëpërmjet Agjensisë Spanjolle të Bashkëpunimit Ndërkombëtar për Zhvillim (AECID), në datën 6 Shtator, në orën 12.00 do të zhvillohet ceremonia e inagurimit të Zyrës së Shtypit të Këshillit të Lartë të Drejtësisë.

Në këtë ceremoni që do të zhvillohet në selinë e këtij institucioni, do të marrin pjesë Ambasadori i Spanjës në Shqipëri, Manuel Montobbio, dhe Zv/Presidenti i Këshillit të Lartë të Drejtësisë, Kreshnik Spahiu.

Është parashikuar që në aktivitet te asistojnë anëtarë të KLD, Magjistratë dhe përfaqësues të misioneve ndërkombëtare që punojnë në fushën e drejtësisë ne Shqipëri.

Zyra e Shtypit lind me një objektiv të dyfishtë për ti transmetuar qytetarit një informacion të vërtetë dhe objektiv, dhe në të njëjtën kohë nxit përhapjen e aktiviteteve gjyqësore. Kështu, do të nxitet transparenca e informacionit dhe një bashkëpunim i plotë me mjetet e komunikimit.

Në kuadër të projektit spanjoll janë fuqizuar kapacitetet e zyrës përmes trajnimit të personave përgjegjës nga ekspertë spanjollë si dhe janë blerë paisje për zyrën.

Realizimi i këtij projekti i përgjigjet objektivit strategjik të Kooperacionit Spanjoll në konsolidimin e Shtetit të së Drejtës në Shqipëri, dhe më konkretisht në forcimin e sistemit gjyqësor nëpërmjet vënies në punë të mjeteve si Zyra e Shtypit e Këshillit të Lartë të Drejtësisë që përmirëson nivelin e komunikimit ndërmjet sektorit gjyqësor dhe shoqërisë civile shqiptare.

e.r/NOA

KOMENTE