Itali, 4 shtator NOA - Një djalë 12-vjeçar nga Mornico al Serio (Bergamo) është vetëvrarë pas shumë ankesave që kishin prindërit në drejtim të tij.
Adoleshenti u gjet i pajetë në ambientet e dhomës së tij. 12-vjeçari, që ndodhej në shkollën e mesme, nuk kishte manifestuar asnjëherë probleme, as me familjarët e tij dhe as me miqtë.
prindërit kanë pohuar se një gjest i tillë mund të ketë ardhur si rrjedhojë e ankesave të shumta që kishin bërë ata në drejtim të djalit dhe kjo në lidhje me detyrat e verës të cilat ai ende nuk i kishte përfunduar.
Me sa duket menjëherë pas ankesave, 12-vjeçari është mbyllur në dhomën e tij dhe është vetëvrarë duke u varur në një litar. Trupi i tij i pajetë u gjend nga mamaja dhe kjo gjatë orarit të drekës.
Tragjedia ka shokuar të gjithë komunitetin e Mornico.
Viktima jetonte së bashku me prindërit e tij dhe motrën dhe aktualisht ishte në ndjekje të shkolis së mesme. Të gjithë personat që e njohin e përshkruajnë si një djalë të ndjeshëm, i cili nuk ka manifestuar asnjë lloj problemi të këtij tipi në të shkuarën.
r.b/NOA
