Laç, 9 Shtator, NOA - Nga masa e sigurisë “Arrest shtëpie”, dënimi i një personi që është kapur në flagrancë për armëmbajtje pa leje, ka kaluar në “arrest me burg”.
Bëhet fjalë për 55-vjeçarin me emrin Zef Prenga, me banim në qytetin e Laçit, i dënuar për veprën penale të “Prodhimit dhe mbajtjes pa leje të armëve luftarake dhe municionit”, parashikuar nga neni 278/2 dhe 278/3 i Kodit Penal.
Ndalimi i tij u bë për të zbatuar kështu urdhrin e gjykatës së Tiranës, e cila ia ka ndryshuar vendimin që i kishte dhënë atij gjykata e Kurbinit, vetëm për arrest shtëpie.
n.e/NOA
