Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
IFC: Në Shqipëri, shohim ndryshime shumë të mëdha
English

IFC: Në Shqipëri, shohim ndryshime shumë të mëdha

Tiranë, 13 shtator, NOA - Kryeministri Sali Berisha priti sot një grup nga IFC (Korporata Financiare Ndërkombëtare), pjesë e grupit të Bankës Botërore, të kryesuar nga drejtori i ri rajonal, Dimitri Tscitsciragos.

Ky i fundit e falënderoi kryeministrin për takimin dhe përgëzoi për rezultatet e arritura nën drejtimin e qeverisë së tij.

Ai tha se kthehet pas shumë vitesh, në Shqipëri dhe sheh ndryshime shumë të mëdha, të cilat dëshmojnë realitetin e rezultateve dhe shifrave optimiste, të botuara nga ndërkombëtarët dhe institucionet e tjera shtetërore.

Tscitsciragos shprehu më tej optimizmin e tij për të vazhduar bashkëpunimin e suksesshëm të IFC-së dhe qeverisë shqiptare, me fokus në sektorin privat.

Ai tha se eksperiencat e suksesshme të IFC-së me qeverinë shqiptare në disa projekte në sektorin e energjisë apo sektorë të tjerë e bëjnë këtë institucion të jetë më ambicioz në të ardhmen, për përfshirjen e tij në projekte të ndryshme në sektorin privat, duke mbështetur reformat e ndërmarra nga qeveria, për të lehtësuar dhe nxitur sektorin privat.

Nga ana e tij, kryeministri Berisha e falënderoi Tscitsciragos për vlerësimet dhe përkushtimin e IFC-së në mbështetje të reformave të ndërmarra nga qeveria që ai drejton si në mandatin e parë, ashtu edhe tani.

“Mbështetja e fuqishme e sektorit privat, - tha kryeministri, - ka qenë dhe është një nga prioritetet e qeverisë, prandaj kërkojmë dhe mbështesim përqendrimin e projekteve të IFC-së në sektorin privat”.

Kryeministri theksoi se Shqipëria e kaloi me sukses dhe shëndet të fortë krizën ekonomike botërore, duke mbajtur rritje ekonomike prej 3.5 përqind dhe duke dalë e shëndetshme dhe e stabilizuar nga goditjet e saj.

“Ndërkohë efektet e krizës nuk kanë ndaluar projektet e sektorit privat, qeveria, - theksoi kryeministri, - ndjen si detyrë mbështetjen jo vetëm me reforma thelbësore të këtij sektori, por dhe mbështetjen financiare të tij nga IFC dhe sistemi bankar e financiar”.

n.e/NOA

KOMENTE