Bruksel, 14 shtator, NOA – Ndryshimi i rezolutës serbe, e paraqitur në Asamblenë e Përgjithshme të Kombeve të Bashkuara për Kosovën, përbën një sukses për diplomacinë evropiane.
Një fakt i tillë është cituar në mbledhjen e djeshme të ministrave të Jashtëm të Bashkimit Evropian, mbajtur dje në Bruksel.
Ministri i Jashtëm belg, Steven Vanackere, është shprehur optimist ndaj kësaj dhe ka deklaruar se ministrat e Jashtëm të Bashkimit Evropian do të vendosin më 25 tetor në Luksemburg nëse do t'ia kalojnë për shqyrtim Komisionit kërkesën për anëtarësim të paraqitur nga Serbia në dhjetor të vitit të kaluar.
Kjo do të thotë se Serbia i ka zbutur tensionet me Bashkimin Evropian.
n.e/NOA
