Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
QSUT: 30 shtatori afati i fundit i dorëzimit të protokolleve, përndryshe masa administrative
English

QSUT: 30 shtatori afati i fundit i dorëzimit të protokolleve, përndryshe masa administrative

Tiranë, 16 shtator, NOA – Në takimin e Komisionit të Udhërrëfyesve dhe shefave të shërbimeve, ku merrnin pjesë përfaqësues të Ministrisë së Shëndetësisë, Drejtori i QKCSAI-t, Isuf Kalo, drejtori i Qendrës Spitalore Universitare “Nënë Tereza”, Ilir Dashi kërkoi nga shefat e pavijoneve të realizojnë protokollet e mjekimit dhe hartimin e tyre deri në 30 shtator.

Ky afat i vendosur nga shefi i QSUT-së erdhi pas raportimeve të bëra në këtë takim ku rezultuan se nga 45 shërbime, 31 prej tyre i kanë realizuar me sukses hartimin e protokolleve të mjekimit, ndërsa të tjerat ende jo, madje ato kanë nevojë për ndreqje në përmbajtjet e tyre.

“Të gjitha ato pavijone të cilat nuk kanë realizuar si duhet protokollet e mjekimit duhet të përfundojnë hartimin përfundimtar të tyre deri në 30 shtator”, tha drejtori Dashi.

“Ky është afati i fundit, në të kundërt do të ketë masa administrative për të gjithë ata që nuk i zbatojnë këto afate”, siguroi Drejtori i QSUT-së, Ilir Dashi.

Sipas tij, kjo është një detyrë e lënë nga kryeministri Berisha në kuadër të Reformës së ndërmarrë në fushën e Shëndetësisë.

Drejtoi i QKCSAI-t, Isuf Kalo theksoi se “Periudha e verës na ka bërë më të ngadaltë në punë, por për ne është e rëndësishme, që kjo të mos jetë më një sfidë, por një punë e realizuar nga ne të gjithë.

QSUT-ja bën të ditur se në mbledhjen e radhës, në fillim të muajit tetor do të përcaktohet edhe rruga që do të ndiqet për zbatimin e këtyre protokolleve të mjekimit tek pacientët.

mit/NOA
KOMENTE