Nis hetimi për pasuritë që ka Presidenti Topi, kryeministri Berisha, kryetarja e Kuvendit, Topalli, zv/kryeministri Meta, ministri i Brendshëm, Basha, etj., shpëton ministri i larguar, Prifti
Tiranë, 19 shtator 2010 NOA - Inspektorati i Lartë i Deklarimit dhe Kontrollit të Pasurive (ILDKP) ka nisur sot procedurën e kontrollit të plotë, fazën e hetimit të hollësishëm të interesave private dhe burimet e krijimit të tyre për zyrtarët më të lartë të shtetit shqiptar.
Inspektori i Përgjithshëm i ILDKP, z. Adriatik Llalla, ka firmosur Urdhrin për nisjen e kontrollit të plotë për 50 subjekte, në zbatim të nenit 17 të ligjit nr.9367, datë 7.4.2005 “Për parandalimin e konfliktit të interesave në ushtrimin e funksioneve publike” dhe nenit 26 të ligjit nr.9049, datë 10.4.2003 “Për deklarimin dhe kontrollin e pasurive, të detyrimeve financiare të të zgjedhurve dhe të disa nëpunësve publikë”.
Në këtë fazë të rëndësishme të procesit të kontrollit, ILDKP, në funksion të një hetimi më të plotë administrativ për interesat private të zyrtarëve, kërkon bashkëpunimin e medias, shoqërisë civile dhe opinionit publik, të ofrojë të dhëna mbi pasuritë e zyrtarëve, për të cilat ka dyshime se janë krijuar në mënyrë të paligjshme. Për të nxitur aktivizimin e qytetarëve në procesin e hetimit administrativ, ILDKP ka vënë në dispozicion numrin pa pagesë 0800-999, si edhe adresën e-mail: “unedenoncoj@hidaa.gov.al”Lista e zyrtarëve që kalojnë në kontroll të plotë është hartuar në zbatim të nenit 17, pika 2 të ligjit nr.9367, datë 07.04.2009 “Për parandalimin e konfliktit te interesave në ushtrimin e funksioneve publike”, sipas të cilit, “kontrolli i plotë për verifikimin e vërtetësisë dhe të saktësisë së të dhënave që përmbahen në deklaratë kryhet”:
Çdo 2 vjet për zyrtarët e përcaktuar në:
Kryeministri
Zv/kryeministri
ministrat
zv/ministrat
anëtarët e autoriteteve rregullatore
Enti Rregullator i Energjisë
Enti Rregullator i Ujit
Këshilli Kombëtar i Radio Televizionit
Autoriteti i Mbikëqyrjes Financiare
Autoriteti i Komunikimeve Elektronike dhe Postare
anëtarët e Autoritetit të Mbrojtjes së Konkurrencës
Guvernatori i Bankës së Shqipërisë
Zv/guvernatori
anëtarët e Këshillit Mbikëqyrës të Bankës së Shqipërisë
Presidenti
gjyqtari i Gjykatës Kushtetuese
gjyqtari i Gjykatës së Lartë
Kryetari i KLSH-së
Prokurori i Përgjithshëm
Avokati i Popullit
anëtari i KQZ-së
anëtari i KLD-së
Bazuar në këtë dispozitë ligjore, numri i zyrtarëve që kalojnë në kontroll të plotë është 300, nga të cilët për 50 subjekte ka nisur procedura e hetimit administrativ, ndërsa në ditët në vijim do të nisë e njëjta procedurë edhe për 250 zyrtarët e tjerë. Në listë nuk përfshihen vetëm ata zyrtarë të nivelit të lartë, të cilët aktualisht janë në kontroll të plotë ose të cilëve nuk u është plotësuar afati dy-vjeçar për rikontroll.
Gjatë kryerjes së kontrollit të plotë, referuar nenit 26 të ligjit nr.9049, datë 10.4.2003 “Për deklarimin dhe kontrollin e pasurive, të detyrimeve financiare të të zgjedhurve dhe të disa nëpunësve publikë”;
Inspektorati i Lartë ka të drejtë të shfrytëzojë të dhënat e nevojshme në të gjithë aparatin shtetëror e publik dhe në personat juridikë publikë e privatë.
Me kërkesë të Inspektorit të Përgjithshëm bankat e nivelit të dytë dhe subjektet e tjera, që ushtrojnë veprimtari bankare dhe financiare në Republikën e Shqipërisë, detyrohen të japin të dhëna për depozitat, llogaritë dhe transaksionet e kryera nga personat që, sipas këtij ligji, kanë detyrimin për deklarim.
Subjektet e mësipërme janë të detyruara të vënë në dispozicion të gjitha të dhënat e kërkuara brenda 15 ditëve nga paraqitja e kërkesës me shkrim nga Inspektori i Përgjithshëm.
Lista emërore e zyrtarëve që kalojnë në kontroll të plotë:
Nr.
Subjekti
Institucioni
Funksioni
1
Bamir Topi
Presidenca
President
2
Jozefina Topalli
Kuvendi i Shqipërisë
Kryetare
3
Sali Berisha
Këshilli i Ministrave
Kryeministër
4
Ilir Meta
Këshilli i Ministrave
Zv.Kryeministër
5
Kreshnik Spahiu
Këshilli i Lartë i Drejtësisë
Zv/Kryetar
6
Vladimir Kristo
Gjykata Kushtetuese
Kryetar
7
Lulzim Basha
Ministria e Brendshme
Ministër
8
Edmond Haxhinasto
M. Punëve të Jashtme
Ministër
9
Ridvan Bode
Ministria e Financave
Ministër
10
Genc Ruli
Ministria e Bujqësisë
Ministër
11
Bujar Nishani
Ministria e Drejtësisë
Ministër
12
Ferdinand Xhaferaj
Ministria e Kulturës
Ministër
13
Sokol Olldashi
Ministria e Transportit
Ministër
14
Petrit Vasili
Ministria e Shëndetësisë
Ministër
15
Arben Imami
Ministria e Mbrojtjes
Ministër
16
Fatmir Mediu
Ministria e Mjedisit
Ministër
17
Spiro Ksera
Ministria e Punës
Ministër
18
Besnik Imeraj
Gjykata e Lartë
Anëtar
19
Adrian Dvorani
Gjykata e Lartë
Anëtar
20
Aleksander Muskaj
Gjykata e Lartë
Anëtar
21
Ardian Nuni
Gjykata e Lartë
Anëtar
22
Andi Çeliku
Gjykata e Lartë
Anëtar
23
Evelina Qirjako
Gjykata e Lartë
Anëtar
24
Guxim Zenelaj
Gjykata e Lartë
Anëtar
25
Sokol Berberi
Gjykata Kushtetuese
Anëtar
26
Kujtim Puto
Gjykata Kushtetuese
Anëtar
27
Besim Trezhnjeva
Këshilli i Lartë i Drejtësisë
Anëtar
28
Edmond Islami
Këshilli i Lartë i Drejtësisë
Anëtar
29
Artan Gjermeni
Këshilli i Lartë i Drejtësisë
Anëtar
30
Gjergj Lezhja
Këshilli i Ministrave
Sekretar Përgjithshëm
31
Gjovalin Përnoca
Gjykata e Apelit e Krimeve të Rënda
Kryetar
32
Metush Saraçi
Gjykata e Apelit, Tiranë
Kryetar
33
Edith Harxhi
M. Punëve të Jashtme
Zv/Ministër
34
Enno Bozdo
METE
Zv/Ministër
35
Neritan Alibali
METE
Zv/Ministër
36
Halit Shamata
Ministria e Arsimit
Zv/Ministër
37
Ferdinand Poni
Ministria e Brendshme
Zv/Ministër
38
Iva Zajmi
Ministria e Brendshme
Zv/Ministër
39
Ndoc Faslia
Ministria e Bujqësisë
Zv/Ministër
40
Nezir Haldeda
Ministria e Financave
Zv/Ministër
41
Edmond Hoxha
Ministria e Integrimit
Zv/Ministër
42
Nikollë Lesi
Ministria e Kulturës
Zv/Ministër
43
Suzana Turku
Ministria e Kulturës
Zv/Ministër
44
Arjan Starova
Ministria e Mbrojtjes
Zv/Ministër
45
Zana Xhuka
Ministria e Mbrojtjes
Zv/Ministër
46
Ekrem Spahiu
Ministria e Mbrojtjes
Zv/Ministër
47
Taulant Bino
Ministria e Mjedisit
Zv/Ministër
48
Kastriot Sulka
Ministria e Punës
Zv/Ministër
49
Albert Gajo
Ministria e Shëndetësisë
Zv/Ministër
50
Ernest Noka
Ministria e Transportit
Zv/Ministër
