Uashington, 19 shtator, NOA - Sekretarja e shtetit amerikan, Hillari Klinton, ka kërkuar nga Irani që të heqë dorë nga, siç tha ajo, rritja e fuqisë dhe rolit ushtarak. Klinton tha se SHBA-të janë çdo herë e më shumë të shqetësuara rreth fuqisë ushtarake të Iranit.
Në një intervistë që do të transmetohet gjatë ditës në televizionin amerikan, ABC, Klinton thotë se edhe shumë njerëz brenda Iranit janë gjithashtu të shqetësuar.
Hillari Klinton i ka thënë emisionit, “This Week”, të ABC-së, se ajo shpreson që iranianët të gjejnë një metodë që të zbusin këtë përqendrim të madh në ushtri.
NOA/RFE
