Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Hapet tunel përmes lokalit për të grabitur bankën Intesa San Paolo në Tiranë
English

Hapet tunel përmes lokalit për të grabitur bankën "Intesa San Paolo" në Tiranë

Lexoni detajet e ngjarjes

Tiranë, 22 shtator, NOA – Një tunel i padukshëm mes dyshemesë së lokalit dhe bankës që ndodhej në pallatin e tyre, do t’i çonte tek mjediset e saj e kështu do të mund të vidhnin të qetë paratë që gjendeshin nëpër sirtarë.

Ky ka qenë plani që kishin thurur në mendjen e tyre dhe kishin nisur madje për ta vënë në jetë duke gërmuar, dy persona, plani i të cilëve ka rënë në vesh të forcave të policisë dhe është ndaluar menjëherë prej tyre pa mundur të vihet në zbatim.

Bëhet fjalë për dy të ndaluar duke u gdhirë mëngjesi i sotëm nga forcat e policisë së Tiranës, të cilat siç bëjnë me dijeni në mënyrë paraprake për agjencinë e Lajmeve NOA, kanë mundur të ndalin një tentativë për grabitjen e filialit të bankës "Intesa San Paolo" që gjendet në zonën e 9-katësheve në Tiranë.

Kështu, forcat policore kanë zbuluar një tunel që po hapej nga autorët, të cilët tashmë ndodhen nën pranga, pasi u kapën në flagrancë gjatë natës në momentin që po gërmonin për hapjen e tunelit.

Por ende nuk bëhen të ditur emrat e të ndaluarve, për arsye hetimi, por thuhet paraprakisht se ata për të realizuar planin e grabitjes së bankës, kishin marrë me qera prej 5 muajsh një lokal pranë bankës dhe që aty kishin nisur gërmimin nën tokë për të mbërritur më pas në mjediset e bankës "Intesa SanPaolo".

Ndërkaq, forcat policore ndodhen në vendngjarje dhe po kryejnë veprimet e duhura hetimore rreth kësaj ngjarje aspak të zakontë...(vijon).

n.e/NOA

KOMENTE