Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Itali, abuzimi seksual nga priftërinjtë katolikë, të shpallet krim kundër njerëzimit
English

Itali, abuzimi seksual nga priftërinjtë katolikë, të shpallet krim kundër njerëzimit

Verona, 26 shtator, NOA - - Viktima të dhunës seksuale dhe pederastisë u mblodhën sot ne Verona të Italisë, duke kërkuar nga autoritetet që ta shpallin krim kundër njerëzimit abuzimin seksual në Gjirin e Kishës Katolike.

Dhjetra familje morën pjesë në këtë takim, i pari i këtij lloji, që zhvillohet në Itali. Salvatore D’amolo, organizator i këtij aktiviteti dhe një nga viktimat e dhunës u shpreh se qëllimi i këtij takimi ishte t’u jepej mundësia të gjithë të prekurve, që të flisnin mbi eksperiencat e tyre, duke bërë thirrje për drejtësi.

Rreth 100 çështje të abuzimit seksual në gjirin e Kishës Katolike janë hetuar 10 vitet e fundit nga vetë autoritetet e kishës.

Megjithatë mendohet se ky numër është disa herë më i madh.

Gjykimi i çështjeve që kanë të bëjnë me abuzimin seksual nga priftërinjtë e kishës Katolike konsiderohet i vështirë, për shkak të mbylljes së çështjeve nga gjykatat pas një periudhe 10 vjeçare, gjë që do të thotë se edhe nëse viktimat e abuzimit flasin është tepër vonë.

“Nuk kemi shpresë. Deri sa personat e prekur të ndërgjegjësohen se kanë qenë viktima të abuzimit seksual, drejtësia e ka mbyllur çështjen”, - theksoi Salvatore D’amolo.

Ne Verona është shënuar një nga rastet më flagrante të abuzimit seksual.

67 fëmijë me aftësi të kufizuara të dëgjimit në Institutin Katolik të Veronës, Antonio Provolo, u keqtrajtuan seksualisht nga priftërinjtë e Kishës Katolike gjatë viteve 1950–1980.

mit/NOA

KOMENTE