Kosovë, 26 shtator, NOA – Dy operacione të ndryshme në Kosovë kanë bërë të mundur arrestimin e pesë personave për trafik droge. Pesë prej të arrestuarve janë me kombësi serbe dhe një me kombësi shqiptare.
Operacioni i parë, i koduar me emrin “Automekaniku” është zhvilluar në Fushë Kosovë. Korrespodenti i Agjencisë NOA raporton se drejtoria për hetimin e trafikimit me narkotikë ka realizuar dje disa kontrolle që sollnë arrestimin e disa personave.
Operacioni “Automekaniku” ka nisur mbrëmë rreth orës 20:30 në një banesë në rrugën “28 Nëntori” në Fushë Kosove, ku pas kontrollit është sekuestruar; 500 gram marihuanë, 345 gram marihuanë e lagur, 3 gramë heroinë, 1442 gramë substancë e dyshuar për narkotike, 6 copë ekstazi, 5 bimë kanabis sativa, 2 shufra të hekurit dhe 2 thika.
Policia ka arrestuar dhe katër persona me kombësi serbi, med tyre dhe një shtetas i Republikës së Serbisë. Policia ka dhënë një pjesë të identitetit të tyre, Dalibor. S , 28 vjeç, Miroslav S, 30 vjeç, Milorad. S, 34 vjeç dhe Ivan. A, 28 vjeç.
Po dje në një tjetër operacioni Policia e Kosovës arrestoi Ali . SH, 36 vjeç në qytetin e Mitrovicës për posedim droge
Arrestimi i tij u bë gjatë operacionit të koduar “Pastrimi”. Gjatë kontrollimit, në garazhin e veturës është gjetur dhe konfiskuar sasi e dyshuar e heroinës me peshë rreth 2805 gram në një qese të najlonit e vendosur në një pako.
Po ashtu policia ka gjetur edhe një sasi prej 20 gramëve të substancës narkotike që dyshohet të jetë heroinë.
a.b/a.k/NOA
