Vlorë, 5 Tetor 2010 NOA - Dy hajdutë përleshen me policinë gjatë një grabitjeje e cila precipitoi në plumba dhe të plagosur kurse pas operacionit t kryer një o dyshuar u kap dhe tjetri mori arratinë nën hundën e uniformave blu.
Ngjarja ka ndodhur mbrëmjen e djeshme në qytetin e Vlorës. Korrespondenti i agjencisë NOA raporton se në banesën e një qytetari, dy persona kanë hyrë me dhunë duke synuar grabitjen.
Në precipitim e sipër të ngjarjes, agresorët u përballën me policinë e cila u lajmërua nga pjesëtarët e banesës që u terrorizuan nga prania e plaçkitësve.
Kryefamiljari A.M., është konfrontuar me autorët por këta të fundit nuk kursyen as forcat policore që t’u kundërvihen, në përpjekje për të marrë arratinë.
Në momentet në fjalë, ka mbetur i plagosur një prej të dyshuarve, K.Sh., 35 vjeç, lindur e banues në Vlorë.
Incidenti ndodhi kur agresorët sulmuan policët me sende të forta dhe mjete të mprehta dhe një prej uniformave blu hapi zjarr duke plagosur 35-vjeçarin me një plumb në këmbë.
Kurse i dyshuari i dytë, arriti të largohet nga vendngjarja për në drejtim ende të panjohur nga policia.
I plagosuri u dërgua në spital ku po ruhet nga forcat policore. Ai gjendet jashtë rrezikut për jetën.
e.r/NOA
