Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
PD: Mister 20 %, sa më parë në bankën e të akuzuarve
English

PD: Mister 20 %, sa më parë në bankën e të akuzuarve

Tiranë, 5 tetor, NOA – Për akuzat me lejet e ndërtimit ku shënjestrohet kryebashkiaku Edi Rama, apo mister 20 përqind sikundër e quajnë demokratët, deputeti i PD-së, Flamur Noka ripërsëriti sot kërkesën që prokuroria të nisë sa më shpejt hetimet.

“Duke u bashkuar me shqetësimin e ligjshëm dhe pritshmërinë e lartë të publikut, presim nga prokuroria të nisë pa vonesë hetimin dhe të çojë sa më shpejt në bankën e të akuzuarve, si “Leprat”, që brejnë pa mëshirë paratë e korrupsionit të Bashkisë së Tiranës, ashtu edhe ustain e tyre”, deklaroi në një dalje për mediat deputeti demokrat.

Sipas tij kjo aferë korruptive pas zbardhjes së skemës së përfitimit 20 %, është kryekëput publike para opinionit.

“Ata me të drejtë presin reagimin e institucioneve të shtetit, ndaj kësaj mega-afere korruptive, vetëm një segment i së cilës, shkon në 100 milion euro”, tha deputeti Noka.

Dalja në dritë e kontratës me 20 përqind dhe e projektit të pallateve 35-katësh pranë digës së Liqenit, të çon tërësisht, sipas Nokës, tek zhvatja dhe përfitimi i kryetarit të Bashkisë së Tiranës, me lejet e ndërtimit në kryeqytet.

“Ndaj me të drejtë qytetarët pyesin, ç’ duhet të ndodhë më, që organet e specializuara të veprojnë kundër kampionit të pamposhtur të korrupsionit dhe “Leprave” të tij; ç’prova të tjera duhen për të çuar para drejtësisë “Mister 20 %” dhe një prej sekserëve kryesorë të tij”, shtoi deputeti i PD-së, Flamur Noka.

mit/NOA
KOMENTE